-- Advertisements --
Sinabi ni US President Donald Trump nitong Martes na maaaring simulan ng U.S. Navy ang pag-escort sa mga oil tanker sa Strait of Hormuz kung kinakailangan.
Kasabay nito, iniutos niya sa U.S. International Development Finance Corporation (DFC) na magbigay ng political risk insurance at financial guarantees para sa maritime trade sa Gulf.
Ito ay isa sa pinakamalakas na hakbang ng kanyang administrasyon upang pigilan ang pagtaas ng presyo ng langis habang lumalala ang tensyon sa Middle East, na nakaapekto sa mga oil shipments.
Ang hakbang ay bahagi rin ng layunin ni Trump na mapanatili ang mababang fuel costs sa Amerika, gamit ang kombinasyon ng financial at military tools.
