CENTRAL MINDANAO-Naiprokalama na bilang kauna-unahang babaeng Gobernador ng Maguindanao si Bai Mariam Sangki Mangudadatu.

Nakakuha ng 253, 764 na boto si Bai Mariam laban kay Mangudadatu Maguindanao Mayor Freddie Mangudadatu na may botong sa 198,365.

Panalo rin para sa kanyang huling termino bilang Vice-Governor si Datu Lester Sinsuat sa boto ng 323, 181.

Naiproklama na rin bilang Board Members ng Maguindanao 1st District sina Sharifudin Mastura, na nakakuha na may botong 162, 184; Mashur Biruar- 132, 124; Datu Sharif Diocolalno, 124, 452 ; Datu Bimbo Sinsuat Sr. – 122, 105 at Laila Dagalangit 102, 758.

Nanalo rin sa 2nd District Board Members sina King Mangudadatu na may botong 103, 324; DJ Parok Mangudadatu, 100, 892, Glenn Piang, 67, 195, Bobby Midtimbang 62, 287 at Jofner Angas 60, 205.

Nanalong kongresista ng 1st District si Datu Roonie Sinsuat Sr na may botong 125 481 at 2nd District Congressman Elect si Esmael Mangudadatu na nakakuha ng 124, 385.

Si Governor Elect Bai Mariam ay kauna unahang babaeng gobernador sa probinsya Maguindanao na naihalal sa pwesto sa pamagitan ng halalan at nag- iisang Lady Governor sa bagong Bangsamoro Autonomous Region in Muslim Mindanao (BARMM).

Maituturing ding makasaysayayan sa buong bansa ang panalo ni Bai Mariam dahil na rin sa pagkakaroon ng “Husband and Wife” na naihalal bilang Gobernador sa magkakaibang lalawigan.

Ang mister ni Bai Mariam na si Incumbent Sultan Kudarat Congressman Suharto “Teng”Mangudadatu ay nanalong gobernador ng probinsya.