Sinira ng Team Türkiye ang dapat sana’y perfect record ng Team USA sa group stage ng nagpapatuloy na FIFA World Cup 2026.
Sinorpresa ng Türkiye ang team USA sa harap ng naghihiyawang mga manonood sa Los Angeles Stadium, sa pamamagitan ng 3-2 thriller win.
Maagang dinomina ng USA ang laban sa pamamagitan ng mabilis na goal ni Auston Trusty sa ika-3 minuto pa lamang.
Subalit hindi nagpatinag ang Turkish team at mabilis na sumagot ang bagitong player na si Arda Güler sa ika-10 minuto upang itabla ang iskor.
Sinundan pa ito ng isang goal mula kay Barış Alper Yılmaz sa ika-31 minuto upang agawin ang bentahe bago ang halftime, 2-1.
Sa pagpasok ng second half, muling binuhay ni Sebastian Berhalter ang pag-asa ng USA sa ika-49 na minuto para sa 2-2 equalizer.
Bagaman nagpatuloy ang pisikalang laban para mauwi sana ito sa isang draw, hindi pumayag ang Team Turkey at sa stoppage time (90=8 mins) ay ipinasok ng koponan ang isang goal para tapusin ang laban sa score na 3-2.
Sa kabila nito ay una nang nakapasok ang USA sa Round of 32 matapos nitong dominahin ang unang dalawang laban at ibulsa ang pinakamagandang record sa Group D. Sa kabilang banda, dalawang beses na ring natalo ang Turkey at posibleng hindi na makakausad pa sa susunod na elimination round.
