Inanunsiyo ni US President Donald Trump na nais niyang permanenteng itigil ang migration sa US ng mga galing sa mahihirap na bansa.
Ito ay kasunod ng shooting incident sa dalawang miyembro ng National Guard sa Washington, D.C. kung saan isang afghan national ang natukoy na pangunahing suspek.
Sa kaniyang online platform, sinabi ng US President na kaniya itong gagawin para bigyan daan ang ganap na pagrekober ng kanilang bansa at papaalisin ang lahat ng milyun-milyong illegal admissions umano ng nagdaang Biden administration.
Aniya, ang sinuman na hindi “net asset’ sa Amerika o hindi kayang mahalin ang kanilang bansa ay papalayasin.
Una rito, sinisisi ni Trump ang mga immigrant sa mga problema sa krimen hanggang sa kakulangan ng mga pabahay bilang parte ng social dysfunction sa Amerika at dinemand ang reverse migration o ang pagbabalik sa mga migrants sa kanilang pinagmulang lugar.
