-- Advertisements --
ROXAS CITY – Nasa maayos ng kalagayan ang 57-anyos na lalaki matapos na tinaga at sinaksak ng pamangkin sa Barangay Guba, bayan ng Pontevedra, Capiz.
Nagtamo ng sugat sa magkabilang braso ang biktima na si Joel Billones Jr ng nasabing lugar.
Lumalabas sa imbestigasyon ng Pontevedra Municipal Police Station na pauwi ang biktima galing sa lamayan ng makitang may nakasinding kandila sa loob ng bahay,
Sa galit nito ay nagsisigaw si Billones Jr.ng biglang lumitaw ang pamangkin na may dalang itak.
Kasunod nito ang pagtaga at pagsaksak ng suspek sa kanyang tiyuhin na kaagad na dinala sa ospital.
Samantala nahuli ang pamangkin sa hot pursuit operation ng mga pulis kung saan nakapiit na ito ngayon sa bilangguan at nakatakdang sampahan ng kaukulang kaso.
