Nahaharap sa kasong trademark infringement ang singer na si Taylor Swift dahil sa kaniyang album na “The life of a Showgirl”.
Kinasuhan ni Maren Wade ang singer, Universal Music Group at Bravado International Group Merchandising Services Inc dahil sa trademark nito na “Confession of a Showgirl”.
Sinabi nito na ang album ni Swift na inilabas noong Oktubre ng nakaraang taon ay parehas din ng kaniyang brand.
Tinangka umano ng legal team ni Swift na ipa-trademark ito subalit ito ay hindi tinanggap ng US Patent and Trademark Office (USPTO).
Giit ni Maren na umabot ng ilang dekada bago mabuo ang “Confession of a Showgirl” na kaniyang inirehistro din.
Si Wade ay singer at performer na lumabas din sa “America’s Got Talent” noong 2014.
Naging kolumnista ito sa Las Vegas Weekly kung saan ang column nitong “Confession of a Showgirl” ay ginawa niyang one-woman comedic cabaret show.
Naglabas din ito ng podcast at libro sa parehas din ng pangalan.
Ipinarehistro nito ang “Confessions of a Showgirl” brand sa USPTO noong 2015.
