Patuloy ang paggalaw ng Super Typhoon Bavi sa direksyong kanluran-hilagang kanluran malapit sa Northern Mariana Islands.
Batay sa pinakahuling datos ngayong araw, ang sentro ng mata ng bagyo ay tinatayang nasa 2,215 kilometro silangan ng Southeastern Luzon, at nananatiling nasa labas pa ng Philippine Area of Responsibility (PAR).
Taglay ng bagyo ang maximum sustained winds na 205 km/h malapit sa sentro, na may pagbugso hanggang 250 km/h, habang kumikilos ito sa bilis na 20 km/h.
Ayon sa ulat, ang lakas ng hangin mula malakas hanggang typhoon-force ay umaabot hanggang 800 kilometro mula sa sentro.
Bagama’t wala pang direktang epekto sa bansa, mahigpit na pinapayuhan ang publiko na manatiling nakaantabay sa mga abiso ng state weather bureau, lalo na’t posibleng magbago ang direksyon at lakas ng bagyo sa mga susunod na araw.
