SSS
IMAGE | Social Security System (SSS) buiding, Quezon City

Aminado ang Social Security System (SSS) na lolobo pa ang kanilang gastos para sa mga benepisyaryo kasunod ng pagkakapasa ng panuntunan sa implementasyon ng Expanded Maternity Leave Act.

“We are expecting that these disbursements will continue to increase this year following the implementation of the 105-day Expanded Maternity Leave Law (EMLL) with the implementing rules and regulations already signed on Labor Day last week,” ayon kay SSS Pres. Aurora Ignacio.

Dagdag ng opisyal, umabot ng P7.7-bilyon ang disbursement ng tanggapan noong 2018 para sa maternity benefits.

Ito ay katumbas ng 326,000 female members na kanilang na-serbisyuhan.

Sa ilalim nito, 68.2-percent o higit 200,000 na babaeng employee-members ang natulungan sa pamamagitan ng P5.98-bilyon na disbursement.

Nasa higit 80,000 naman ang voluntary members; halos 15,000 na self-employed workers, at higit 7,000 overseas Filipino workers.

“We are glad that we are able to assist more of our female members financially during their pregnancy in 2018. We have recorded an increase of 12.6 percent or 36,550 female members more who availed themselves of the benefit in 2018 compared to that of the previous year,” ani Ignacio.

Sa ngayon umabot na raw sa P1.34-bilyon ang gastos ng SSS para sa maternity benefits mula Enero hanggang Pebrero ng 2019.

Target din daw ng tanggapan na bumuo ng mga bagong benefit programs na pakikinabangan ng kanilang bawat miyembro.