Opisyal nang nahalal si Senator Imee Marcos bilang Deputy Minority Leader ng Senado matapos walang tumutol sa mosyon na inihain ni Senate Minority Leader Alan Peter Cayetano sa plenary session nitong Miyerkules, Hulyo 29, 2026.
Matapos ang kanyang pagkakahalal, nilinaw ni Cayetano na hindi maituturing na anti-Marcos ang minority bloc.
Ayon sa kanya, patunay nito ang pagkakahalal kay Imee Marcos, kapatid ni Pangulong Ferdinand Marcos Jr., bilang deputy minority leader.
Kasabay nito, inaprubahan din ng Senado ang listahan ng mga committee chairmanship na itinalaga sa mga miyembro ng 11-man minority bloc.
Kabilang sa mga itinalagang komite ang mga sumusunod na senador:
- Cooperatives – Sen. Imee Marcos
- Culture and the Arts – Sen. Loren Legarda
- Public Information and Mass Media – Sen. Robinhood Padilla
- Sustainable Development Goals, Innovation and Futures Thinking – Sen. Pia Cayetano
- Tourism – Sen. Rodante Marcoleta
- Civil Service, Government Reorganization and Professional Regulation – Sen. Loren Legarda
- Cultural Communities and Muslim Affairs – Sen. Robinhood Padilla
- Government Corporations and Public Enterprises – Sen. Camille Villar
- Sports – Sen. Christopher “Bong” Go
- Youth – Sen. Christopher “Bong” Go
Samantala, inihayag din ni Senate Majority Leader Juan Miguel Zubiri ang mga bagong committee assignments kung saan itinalaga si Senator Vicente Sotto III bilang chairperson ng Committee on Public Works, habang si Senator Jinggoy Estrada naman ang mamumuno sa Committee on Electoral Reforms and People’s Participation.
