Samples ng 8 pasaherong kasama ng lalaking positibo sa UK COVID-19 variant, ipinadala sa genome center matapos magpositibo rin sa virus

Ipinadala na ng Philippine Red Cross  (PRC) sa Phippine Genome Center ang mga samples mula sa walong pasaherong nakasama ng nagpositibo sa UK variant ng Coronavirus disease 2019 (COVID-19).

Una rito kinumpirma ng PRC na positibo sa Coronavirus ang walong pasaherong kasabay ng Pinoy na dumating a bansa.

Ayon sa Red Cross, ipapadala sa Philippine Genome Center ang naturang mga samples para malaman kung ano ang variant ng virus na tumama sa kanila.

Kung maalala dumating sa Pilipinas galing Dubai ang nasabing pasyente na taga Kamuning sa Quezon City.

Sa ngayon ayon sa Quezon City Health Office, wala nang sintomas ang covid ang lalaking nakitaan ng UK variant.