Pinag-iisipan pa ni NBA superstar LeBron James ang kanyang retirement nang matanong kung may plano pa itong magpatuloy sa paglalaro matapos ang kasalukuyang season kung saan naitala niya ang ika-23 record.
Aniya, hindi pa niya tiyak kung siya’y magpapatuloy pero may plano na umano siya para sa kanyang retirement.
Sa isang panayam nitong Linggo bago ang NBA All-Star Game, sinabi ng 41-anyos na forward ng Los Angeles Lakers na hindi pa niya alam kung ano ang kanyang magiging hakbang sa susunod na season.
“Yeah, I want to live,” sabi ni LeBron tungkol sa plano pagkatapos ng season. “When I know, you guys know. I don’t know. I have no idea. I just want to live, that’s all.”
Bagamat may agam-agam sa kanyang hinaharap sa NBA, tiniyak ni LeBron na hindi ito makakaapekto sa kanyang pagsisikap na tulungan ang Lakers na makuha ang kanilang ika-limang NBA title.
“This is beginning towards the post-season so it has nothing to do with that,” sabi niya.
“Same motivation, same mind factor. We’ve got past the marathon and now the sprint is about to start. I think everybody understands that,” dagdag pa ni LeBron.
Ngayong season, nag-average si LeBron ng 22.0 points, 7.1 assists, 5.8 rebounds, at 1.1 steals kada laro sa Lakers, na kasalukuyang pumapangalawa sa Western Conference na may record na 33-21.
“Our success is going to come down to obviously I think our health, our coach staff putting us in the right position,” aniya.
“I think they’re going to give us the game plan every night. But when it comes to what we have to work with, we have to actually go out and see it. We haven’t been able to have an opportunity much this year.”
Inamin rin ni LeBron na nais niyang maging may-ari ng NBA team kapag natapos na ang kanyang playing career, ngunit hindi ito ang tanging plano niya sa hinaharap.
“There’s a lot of things that I have on the table that I can tap into if I would like to, that being one of them,” sabi ni James.
“There’s other ventures as well I’ll continue to explore and see what will engage me and motivate me in a post-career. But right now I’m still locked in on what’s going on right now.”
