Binigyang-diin ng Department of Social Welfare and Development ang kahalagahan ng pagtutulungan ng gobyerno at civil society sa pag-iwas sa mga epekto ng mga sakuna at kalamidad.
Ayon kay DSWD Sec Rex Gatchalian, mahalaga ang pamamahala bilang isang collaborative efforts, dahil kailangan ng gobyerno ng mga katuwang mula sa pribadong sektor sa paghahanda at operasyon sa kalamidad.
Iitinuro ni Gatchalian na ang DSWD ay patuloy na nagpapalakas ng kanilang disaster response at early recovery efforts.
Ito ay upang maiwasan ang pagkawala ng mga buhay at tiyakin ang sapat na mga interbensyon sa proteksyong panlipunan para sa mga pamilyang naapektuhan ng mga sakuna at kalamidad.
Aniya, sinimulan ng DSWD ang isang bagong disaster preparedness program na tinatawag na “Buong Bansa Handa” na nagsisiguro sa tuluy-tuloy na pagkakaloob ng mga pangunahing pangangailangan sa panahon ng mga sakuna at kalamidad dulot ng climate change.
Ang bagong disaster response initiative ay isa sa mga priyoridad na programa ng Gatchalian, na naglalayong makisali ang gobyerno sa lahat ng antas, at ang pribadong sektor sa pagpapakilos ng mga mapagkukunan upang tugunan ang food security at social protection sa panahon ng kalamidad at krisis.
