Mariing kinondena ni Department of National Defense (DND) Secretary Gilberto Teodoro Jr. ang pahayag ng Chinese Embassy kaugnay sa Department of Foreign Affairs (DFA), na aniya’y nagpapakita ng kawalan ng tapat na intensyon at panloloko ng Chinese Communist Party sa Pilipinas.
Sa isang mensahe, sinabi ni Teodoro, hindi kapanipaniwala ang mga sinasabi ng mga opisyal ng embahada kaya idinadaan na lamang ng mga ito sa pag-aalboroto at mayabang na pagpapakita ng galit.
Binigyang-diin ng defense chief na ang naging tugon ng China ay malinaw na bintana sa kanilang tunay na balak sa bansa.
Sa kabila nito, tiniyak ni Teodoro na hindi takot ang bansa at hinding-hindi pasisiil ang mga Pilipino.
” The Chinese Embassy statement replying to our Department of Foreign Affairs is a window into the true intentions of the Chinese Communist Party in dealing with our Country. It clearly shows their insincerity and duplicity which are amply personified by their Embassy officials. We condemn the arrogant display of deceitful indignation by them. Hindi kapanipaniwala ang mga sinasabi kaya idinadaan sa alboroto,” mensahe ni Sec. Teodoro.
