-- Advertisements --
Binukasan na ng Philippine Basketball Association (PBA) sa publiko ang schedule para sa 2023-2024 Commissioner’s Cup.
Ang pagbubukas o ang season opening ay nakatakda sa Nobiembre-5, araw ng Linggo.
Batay sa schedule na inilabas ng PBA, ang opening game ay magsisimula sa 7PM ng November 5 at ito ay sa pagitan ng Magnolia Hotshots and TNT Troping Giga.
Mula Nov. 5, magpapatuloy ang regular games hanggang sa Enero 14, 2024, kung saan kabuuang 66 matches ang nakapaloob sa buong Commissioner’s Cup.
Bagaman karamihan sa mga games ay gaganapin sa malalaking coliseum dito sa Metro Manila, ang ilang mga match ay nakatakdang isagawa sa ibang mga lugar, katulad ng Rizal province, Quezon Province, Batangas, Cagayan de Oro, at Iloilo City.
