Ibinasura ng Sandiganbayan ang panibagong mosyong inihain ng convicted plunderer at pork barrel mastermind na si Janet Lim-Napoles na nagpapabasura sa kanyang kasong may kinalaman sa Priority Development Assistance Funds (PDAF) scam.
Batay sa resolusyon ng 5th Division, sinabi ng anti-graft court na walang ipinresentang bagong argumento si Napoles laban sa usapin ng pagdedeklara sa mga pampublikong opisyal bilang main plunderer.
“An examination of the present motion to dismiss shows that the matters raised therein are mere reiterations of the issues raised in the motion for reconsideration filed by the same accused, which had been exhaustively discussed in several resolutions issued by this Court,” ayon sa Sandiganbayan.
Lumabas kasi sa imbestigasyon ng prosekusyon mula sa Office of the Ombudsman na itinuturing na main plunderer sina dating Sen. Jinggoy Estrada at staff nitong si Pauline Labayen.
Ayon sa korte, naipaalam sa mga akusado ang reklamo na pagbulsa umano nila ng P183-milyong public fund.
Sapat na raw itong ebidensya para sila’t sintensyahan, kung walang kokontra sa mga ebidensya.
