Bahagyang bumilis ang pagkilos ng bagyong Opong habang ito ay papalayo na sa probinsiya ng Mindoro.
Ayon sa Philippine Atmospheric, Geophysical and Astronomical Services Administration (PAGASA), nakita ang sentro ng bagyo sa may 260 kilometers ng kanlurang bahagi ng Calapan City, Oriental Mindoro.
Nakataas pa rin ang tropical cyclone wind signal number 2 ang mga lugar ng Paluan, Abra de Ilog, Mamburao sa Occidental Mindoro kasama na ang Lubang Islands.
Habang nakataas ang signal number 1 sa mga bayan ng Basista, Lingayen, Villasis, City of Alaminos, Anda, Malasiqui, Urbiztondo, Bautista, Mangaldan, Mapandan, Burgos, Dagupan City, Bolinao, Aguilar, Alcala, Sual, Labrador, Bani, Santo Tomas, City of Urdaneta, Mangatarem, Mabini, San Carlos City, Manaoag, Binmaley, San Jacinto, Bugallon, Bayambang, Infanta, Agno, Calasiao, Santa Barbara, Dasol, San Fabian, Pozorrubio, Laoac, Binalonan, Asingan, Santa Maria, Balungao, Rosales sa lalawigan ng Pangasinan.
Kasama rin ang Dingalan sa Aurora; Cuyapo, City of Gapan, San Leonardo, Santo Domingo, San Isidro, Zaragoza, Guimba, Aliaga, Science City of Muñoz, Cabanatuan City, Quezon, San Antonio, General Tinio, Santa Rosa, Nampicuan, Talugtug, Peñaranda, Jaen, Licab, Cabiao, Palayan City, General Mamerto Natividad, Talavera sa Nueva Ecija; Tarlac, Zambales, Bulacan, Pampanga, Bataan, Metro Manila; Rizal, Laguna, Cavite,Batangas,Oriental Mindoro; Lucena City, Pagbilao, Infanta, Tiaong, San Antonio, Candelaria, Lucban, Sampaloc, Sariaya, City of Tayabas, Mauban, Dolores, General Nakar, Real sa Quezon; natitirang bahagi ng Occidental Mindoro; El Nido, Dumaran, Araceli sa Palawan kasama na ang Calamian Islands.
Inaasahan na lalabas na Philippine Area of Responsibility ang bagyong Opong sa umaga o hapon ng Sabado , Setyembre 27.
