-- Advertisements --
CAUAYAN CITY Naka-red alert status ngayon ang Office of Civil Defense (OCD) Region 2 para sa pagdiriwang ng pasko at pagsalubong sa bagong taon.
Sa naging panayam ng Bombo Radyo Cauayan, sinabi ni Information Officer Francis Joseph Reyes ng OCD Region 2 na kahapon ay nakared alert status na sila na magtatagal hanggang sa pagsalubong ng taong 2021.
Aniya, naging mapayapa naman ang pasko buong magdamag sa ikalawang rehiyon dahil wala silang natanggap na impormasyon kaugnay sa mga hindi magandang pangyayari.
Kung ikukumpara rin sa mga nagdaang taon ay halos walang maririnig na nagpapaputok gayunman ay nakatutok pa rin sila sa mga firecraker incident.
