Inanunsyo ni Press Secretary Trixie Cruz-Angeles ang nominasyon ni Ma. Antonia “Toni” Yulo-Loyzaga bilang kalihim ng Department of Environment and Natural Resources (DENR).
Ayon kay Press Sec. Trixie Cruz Angeles, si Pang. Ferdinand Marcos Jr. mismo ang pumili kay Loyzaga para maitalagang bagong DENR secretary.
Ngunit kailangan pa ani Angeles na makumpleto ang mga kinakailangang requirements o dokumento para sa bago nitong posisyon.
Dating chairperson ng International Advisory Board of the Manila Observatory si Yulo Loyzaga at isinulong ang higit pang scientific research on climate and disaster resilience.
Nagsilbi ring executive director si Yulo-Loyzaga ng Manila Observatory’s at technical adviser ng Philippine Disaster Resilience Foundation.
Naging senior advisory board din sya ng AFP Command and General Staff College.
