Tinanggihan ni US President Donald Trump ang mungkahing pitong araw na ceasefire ng bansang Iran at inihayag sa kaniyang mga opisyal na inaasahan niyang ipagpapatuloy ang pagbomba ng Amerika sa Iran pagkatapos ng midterm elections sa Nobyembre.
Batay sa mga opisyal ng Estados Unidos, mananatiling duda si Trump kung tutuparin ng Tehran ang mga hinihinging kondisyon ng Amerika sa kabila ng patuloy na negosasyon sa tulong ng mga regional mediator.
Sa ilalim ng panukala ng Iran, hiling nito sa US na alisin ang naval blockade, ilabas ang ilang nakapaskil o frozen assets nito, at pagaanin ang mga sanksyon sa pagbebenta ng langis kapalit ng muling pagbubukas sa kritikal na Strait of Hormuz at pagpapatuloy ng nuclear negotiations.
Gayunpaman, pormal nang ipinarating ng Estados Unidos sa Iran at sa mga tagapamagitan na wala silang planong alisin ang kasalukuyang maritime blockade sa mga daungan ng nasabing bansa.
Bagamat hindi pa malinaw ang magiging saklaw ng mga panibagong pag-atake ng militar ng Amerika, binigyang-diin ng mga opisyal na maaari pa ring magbago ang posisyon ni Trump habang nagpapatuloy ang mga pag-uusap.
