‘Mobile app para sa LRT-1 ilalabas sa Agosto’

Ibinida ngayon ng pamunuan ng Light Rail Manila Corporation (LRMC) ang ilulunsad nilang mobile app para sa mga commuter ng Light Rail Transit (LRT)-Line 1.

Ayon kay LRMC president and chief executive officer Juan Alfonso, magbibigay daan ang naturang app para ma-navigate ng mga pasahero ang biyahe ng tren, gayundin ang oras ng mga biyahe nito.

Magbibigay din daw ito ng option sa commuter kung alin sa mga istasyon ng LRT-1 ang pwedeng sakyan kung magkaroon ng traffic sa linya.

Binabagtas ng LRT-1 ang mga siyudad ng Pasay, Maynila, Caloocan at Quezon City.

Nagsisimula ang istasyon nito sa Baclaran at nagtatapos sa Roosevelt.