Maaaring kunin ng Department of Education (DepEd) ang mga kwalipikadong senior citizen para maging boluntaryong guro ayon sa National Commission of Senior Citizens (NCSC).
Ito ang alok na solusyon ng kagawaran sa kakulangan sa mga tagapagturo at iba pang tauhan ng paaralan.
Sa isang pahayag, sinabi ni NCSC Chairman Franklin Quijano na maraming bilang ng mga senior citizen ang “sapat na may kaalaman” upang tulungan ang mga guro sa kanilang mga gawain.
Makakatulong din ang mga seniors sa Brigada Eskwela (BE) campaign ng DepEd, kung saan ang education stakeholders at volunteers ay nagtutulungan para ihanda ang mga paaralan para sa pagbubukas ng paaralan.
Ang Brigada Eskwela ngayong taon ay tatakbo hanggang Agosto 26.
Sinabi ni Quijano na nagsumite siya ng panukala kay Vice President at DepEd Secretary Sara Duterte, na “nangako na susuriin ang mga panukala] para sa posibleng pagsasama sa mga kasalukuyang programa ng DepEd.”
Nauna nang iniulat ng Alliance of Concerned Teachers na 26,000 teaching positions sa DepEd ang hindi pa napupunan hanggang February 2021 habang may probisyon sa 2022 budget para sa 10,000 bagong teaching items.
Sinabi rin ng DepEd na pinaplano nilang kumuha ng mas maraming non-teaching personnel para mapawi ang mga guro sa mga gawaing administratibo.
Magugunitang, isang panukalang batas na inihain kamakailan sa House of Representatives na naglalayong tanggalin ang mandatoryong edad ng pagreretiro na 65.
