Mas marami pang indoor activities, target mabuksan – DTI

Makikipagpulong si Trade Sec. Ramon Lopez sa ilang eksperto para pag-aralan ang ilang adjustment na kailangan para sa pagpapalakas ng ating ekonomiya.

Bahagi ng konsultasyon ang mas maluwag na protocols para sa ilang indoor activities.

Kasama na rito ang pagbubukas na ng mga gym, pagtanggap ng mas maraming tao sa malls at iba pang establishimento.

Pagkatapos umano ng kanilang pagtalakay, kasama ang ilang stakeholders, dadalhin naman ito ng DTI chief sa Inter Agency task Force (IATF) para sa kaukulang pagpapasya.

Tiniyak naman ni Lopez na may mga kaakibat pa ring pag-iingat ang kanilang rekomendasyon, para maiwasan ang panibagong spike ng COVID cases sa National Capital Region (NCR) plus bubble.