-- Advertisements --
Muling niyanig ng magnitude 5.8 na lindol ang Manay, Davao Oriental kaninang alas-6:27 ng gabi ngayong Sabado, Oktubre 11, ayon sa Philippine Institute of Volcanology and Seismology (Phivolcs).
Naiulat ang Intensity III sa siyudad ng Mati, Davao Oriental. Sa instrumental intensities, naitala ang Intensity III sa Sta. Maria Davao Occidental, Nabunturan, Davao de Oro at Malungon, Sarangani.
Naramdaman naman ang Intensity II sa lungsod ng Digos, Davao del Sur at Kiamba sa Sarangani, Tupi sa South Cotabato at Palimbang sa Sultan Kudarat.
Inaasahan ang mga aftershock at posibleng pinsala.
