Nagtala ng panibagong moderately explosive eruption ang Bulkang Kanlaon ngayong Sabado ng tanghali, Oktubre 10, 2026, batay sa ulat at obserbasyon ng mga awtoridad.
Malinaw na natanaw ang nasabing pagputok ng bulkan mula sa Barangay Lalagsan sa bayan ng La Castellana, Negros Occidental, kung saan nakunan ito ng mga larawan ng mamamayan bandang alas-12:48 ng tanghali.
Ayon sa mga paunang abiso, nag-umpisa ang aktibidad ng bulkan dakong alas-12:46 ng tanghali at opisyal ding nagwakas ang naturang explosive event bago mag-ala-una ng hapon.
Patuloy namang nagpapaalala ang National Disaster Risk Reduction and Management Council (NDRRMC) at ang DOST-PHIVOLCS sa publiko na manatiling alerto, mag-ingat, at sundin ang mga safety protocol laban sa posibleng pag-ulan ng abo o mga susunod pang aktibidad ng bulkan.
