-- Advertisements --
Nagbuga ng abo ang Bulkang Kanlaon sa Negros Island nitong Linggo ng hapon, ayon sa Philippine Institute of Volcanology and Seismology (Phivolcs).
Naganap ang pagbuga ng abo dakong 1:12 p.m., ayon sa advisory ng Phivolcs.
Ang ibinugang abo ay umabot sa tinatayang 150 metro mula sa bunganga ng bulkan bago tinangay ng malakas na hangin patungong timog-silangan.
Patuloy namang nakataas ang Alert Level 2 sa Bulkang Kanlaon.
Sa ilalim ng Alert Level 2, posible ang biglaang phreatic o steam-driven eruption, gayundin ang mga senyales ng posibleng pagsisimula ng magmatic activity.
Dahil dito, patuloy na pinapaalalahanan ang publiko na manatiling alerto at sumunod sa mga abiso ng Phivolcs at iba pang awtoridad kaugnay ng aktibidad ng bulkan.
