Namataan ang isang bagong lava dome sa summit crater ng Bulkang Mayon, na nagpapanatili sa Alert Level 3 at nagpapahiwatig ng tumataas na posibilidad ng mapanganib na pagsabog.
Ang Philippine Institute of Volcanology and Seismology (PHIVOLCS) ay nagbabala na ang Alert Level 3 ay nangangahulugang ang magma ay malapit na o nasa bunganga ng bulkan, na maaaring magdulot ng lava flows, pyroclastic density currents (PDCs), rockfalls, at ashfall.
Dahil dito, mahigpit na ipinapatupad ang mandatoryong paglikas sa loob ng 6-kilometer Permanent Danger Zone (PDZ) at pinapayuhan ang pag-iingat sa mga lugar na nasa 7-kilometer Extended Danger Zone (EDZ) sa ilang sektor.
Bago pa man ito tuluyang lumitaw sa close-up camera monitor sa Mayon Volcano Observatory, natuklasan na ng isang international partner agency ang pagumbok o bulging sa crater floor ng bulkan mula Nobyembre 2 hanggang 4, 2026, sa pamamagitan ng mga satellite image.
Ang paglitaw ng lava dome ay isang mahalagang indikasyon ng pag-akyat ng magma sa loob ng bulkan, na nagpapataas ng posibilidad ng effusive o explosive na pagputok.
Patuloy na binabantayan ng PHIVOLCS ang aktibidad ng bulkan sa pamamagitan ng iba’t ibang instrumento upang magbigay ng napapanahong babala sa mga lokal na pamahalaan at komunidad.
Ang Bulkang Mayon, na kilala sa perpekto nitong hugis-kono, ay isa sa mga pinakaaktibong bulkan sa Pilipinas at may kasaysayan ng madalas na pagputok na kinabibilangan ng pagbuo ng lava dome at mapaminsalang pyroclastic flows.
