Iniulat ng Philippine Statistics Authority (PSA) na nasa 16.7 milyon na mga national ID card ang nai-deliver.
Nasa 21.6 milyon national ID card naman ang nai-print.
Sinabi ni Philippine Statistics Authority officer-in-charge Deputy National Statistician Fred Sollesta na malapit nang mag-isyu ang Philippine Statistics Authority ng mga digital na kopya sa naka-print na PDF form upang magamit ng mga mamamayan ang kanilang mga credentials.
Malapit na rin nilang ilunsad ang isang nada-download na mobile na bersyon ng national ID sa katapusan ng taon o sa unang quarter ng 2023.
Aniya, ang mga na-print o na-download na national ID ay ituturing na balido.
Idinagdag pa niya na ito ay idinisenyo upang maging kasing secure ng mga physical card.
Sa ngayon, 73.8 milyong Pilipino na ang nakakumpleto ng step registration o ang biometric details collection.
Sinabi ni Sollesta na layunin ng Philippine Statistics Authority na makapaglabas ng 50 milyong national ID bago matapos ang 2022 at maipamahagi ang 92 milyong ID credentials sa kalagitnaan ng 2023.
