Hindi bababa sa 10,529 na pulis ang ide-deploy sa Metro Manila sa Mayo 1, Araw ng Paggawa, dahil sa mga demonstrasyon ng mga cause-oriented group, ayon sa National Capital Region Police Office (NCRPO).
Sa isang pahayag, sinabi ni National Capital Region Police Office chief Maj. Gen. Edgar Alan Okubo na kailangan ang deployment ng mga pulis dahil sa inaasahang mga rally sa Araw ng Paggawa.
Pati na aniya ang mga alalahanin na maaaring samantalahin ng mga banta ng grupo ang okasyon at maglunsad ng mga pag-atake ng terorismo o iba pang masasamang aktibidad.
Ipinangako ni Okubo na ang pulisya ay magpapatupad ng maximum tolerance at idinagdag niya na ang pulisya ay hindi mga kaaway ng mga raliyista.
Tinitiyak ng NCRPO na lagi silang handa na i-secure ang publiko mula sa anumang posibleng mangyari gayundin ang garantiya na haharapin ang mga magsasagawa ng mga rally.
Pinaalalahanan din niya ang mga nagpoprotesta na kumuha muna ng permit to rally, maliban sa mga demonstrasyon sa freedom parks.
