Luka Doncic nasa Pilipinas para sa quarterfinals ng FIBA World kung saan makakalaban ng Slovenia ang Canada

Nasa bansa na si NBA star Luka Doncic at ang koponan nitong Slovenia men’s basketball team para sa 2023 FIBA World Cup.

DIto kasi gaganapin ang quarterfinals ng laban ng Slovenia kontra sa Canada sa araw ng Miyerkules sa Mall of Asia Arena.

Naka-abanse kasi ang Slovenia sa quarterfinals matapos makakuha ng apat na panalo at isang talo sa group stage na ginanap sa Okinawa, Japan.

Kasabay din nito ay dumating na rin sa bansa ang basketball team ng Latvia kung saan sa araw din ng Miyerkules ay makakaharap nila ang Germany.

Tinalo kasi ng Latvia ang powerhouse team na Spain at Brazil.

Magsisimula na sa araw ng Martes ang FIBA World Cup quarterfinals kung saan makakaharap ng Lithuania ang Serbia na susundan ng Italy kontra sa USA.