vax mla
-- Advertisements --

Nakapagbakuna na ng halos dalawang milyong tao ang Pamahalaang Lungsod ng Maynila kontra COVID-19.

Batay sa pinakahuling tala ng Manila Health Department ay umabot na sa 1,954,674 na tao ang binigyan ng hindi bababa sa isang dose ng bakuna kontra COVID-19 at 766,418 naman ang fully vaccinated na sa lungsod.

Sa datos ng Commission on Elections (COMELEC), nasa 115.20% na ng target population ng Maynila ang nabakunahan habang 71.95% ang fully vaccinated.

Kung pagbabatayan naman ang datos ng Department of Health (DOH), nasa 90.79% na ng target population sa Maynila ang nabakunahan at 56.71% na ang fully vaccinated.

Ayon kay Manila Mayor Isko Moreno Domagoso, ito ay resulta ng malawakang pagbabakuna ng LGU Manila mula noong Marso 2021.

-- Advertisement --

Sa kasalukuyan, 19 na eskwelahan at apat na mall ang ginagamit bilang lugar pangbakunahan, maliban pa sa anim na ospital ng Pamahalaang Lungsod at ang tuloy-tuloy na home service at drive-thru vaccinations.