Patay na nang makarating sa ospital ang isang 31-anyos na pahinante matapos maatrasan at masagasaan ng isang pison truck sa Caticlan Jetty Port sa Malay, Aklan.
Kinilala ang biktimang si Stephen Sajise, residente ng Barangay Habana, Nabas, Aklan.
Naisugod pa ito sa Motag Hospital sa naturang bayan, subalit idineklarang dead-on-arrival ng doktor na sumuri dahil sa pinsala nito sa katawan.
Kasalukuyang nasa kustodiya ng Malay Municipal Police Station ang driver ng pison na si Joan Segura, 32, na taga-Cabatuan, Iloilo.
Sa imbestigasyon ng pulisya, inaalalayan ni Sajise si Segura sa pagpapaatras ng nasabing heavy equipment patungo sa isang back hoe na ikokonekta sa baterya nito upang umandar.
Ngunit, hindi napansin ng driver na naatrasan nito ang biktima.
