Sinagot ng pamunuan ng House of Representatives ang mga isyung inilabas ng ilang miyembro ng National Unity Party (NUP) kaugnay ng usapin sa budget allocations.
Ayon kay Deputy Speaker Ferdinand Hernandez, nananatiling bukas sa dayalogo ang liderato ng Kamara sa ilalim ng pamumuno ni House Speaker Faustino ‘Bojie’ Dy III at hinihikayat ang direktang pakikipag-usap ng mga mambabatas anuman ang kanilang partido.
Gayunman, nilinaw ni Hernandez na ang paglalabas at pagpapatupad ng mga alokasyon sa badyet ay dumaraan sa mga proseso at ahensyang hindi saklaw ng kapangyarihan ng pamunuan ng Kamara.
Sa kabila ng mga hamon sa ekonomiya at pagtaas ng presyo, iginiit ng Kamara na nananatili itong nagkakaisa upang maisulong ang legislative agenda ng 20th Congress at matiyak na maipatupad ang mga programang makikinabang ang mga Pilipino.
“ The House of Representatives, under the leadership of Speaker Faustino “Bojie” G. Dy III, remains firmly committed to transparency, accountability, and constructive engagement among all members of the chamber. The House leadership acknowledges the concerns raised by a few members of the National Unity Party (NUP). The Speaker has consistently maintained an open-door policy for all members— regardless of party affiliation or position—encouraging direct and constructive dialogue. However, it is important to place this issue in proper context. The timing of the release and implementation of budget allocations involves processes and agencies that are beyond the purview of the House leadership.
Amid economic pressures, rising costs, and global uncertainties, it is essential that we continue to work collectively and responsibly. The House remains united in advancing the legislative agenda of the 20th Congress. The Speaker’s directive remains clear: to ensure that the programs approved by the chamber are faithfully implemented for the benefit of every Filipino,” statement ni Deputy Speaker Hernandez.
Samantala, kahapon,inihayag ni Antipolo City Representative at Deputy Speaker Ronaldo Puno na plano ng National Unity Party (NUP) na kumalas na sa majority bloc at lumipat sa minorya sa Kamara dahil sa pagkadismaya sa liderato ni Speaker Faustino “Bojie” Dy III.
Ayon kay Puno, hindi gumagawa ng paraan si Dy para mailabas ang infrastructure at social protection funds ng mga kongresista na nakasaad sa national budget, at nakalagay para sa “for later release.”
