CAUAYAN CITY – Naitala ngayong araw ang 25 panibagong kaso ng COVID 19 mula sa 11 bayan sa lalawigan ng Isabela.
Dahil dito umabot na sa 487 ang aktibong kaso ng virus sa Isabela habang naitala naman ang 39 na panibagong gumaling mula sa nakakahawang sakit.
Pinakamarami pa rin ang naitala sa Ilagan City na 10 kaso, sinundan ng Santiago City na may tatlo, Alicia, Cauayan City at Jones na may tig-dadalawa, habang tig-iisang kaso naman sa mga bayan ng Burgos, Ramon, Reina Mercedes, Cabatuan, Benito Soliven at San manuel.
Sa naturang bilang apat ang Non-APOR, 28 ang health workers, 22 ang pulis, at 433 ang mula sa local transmission.
Patuloy parin ang paalala ng mga kinauukulan sa publiko na sundin ang mga health protocols upang manatiling ligtas sa virus.
