-- Advertisements --
Puspusan ngayon ang ginagawang paghahanda ng ilang NBA official kung paano maibalik agad ang mga laro kahit na mayroon pang coronavirus pandemic.
Sinabi ni Dallas Mavericks owner Mark Cuban, na nagpulong na sila ng mga NBA commissioners para sa nasabing pagbubukas ng mga laro.
Inutusan kasi si Cuban ni US President Donald Trump na maging advisor kung paano muling maibalik ang sports sa US.
Ilan sa mga suhestiyon ayon kay Cuban ay ang pagsuot ng mga face mask subalit hindi nila ito sinang-ayunan.
Ilan ngayon sa isinaalang-alang nila ay ang kaligtasan na rin ng mga fans na manonood.
Magugunitang kinansela ang maraming sporting events sa US dahil sa coronavirus pandemic.
