Higit 40 inabswelto sa Maguindanao massacre, laya na; 4 mananatili sa kulungan

Tuluyan nang nakalaya ang ang mahigit 40 naabswelto sa Maguindanao massacre case.

Ayon kay Bureau of Jail Management and Penology (BJMP) spokesman J/C/Insp. Xavier Solda, inihabol kanina ang dalawa sa mga ito dahil may nakitang kulang na dokumento para sa release ng mga ito.

Samantala, apat naman na kasama sa mga napawalang-sala sa massacre ang mananatili sa piitan.

Paliwanag ng BJMP, may iba pang mga kaso ang apat at kailangan nilang pagsilbihan ng bukod ang parusang nakalaan doon.