Naharang ng mga awtoridad ang isang German national na nagdala ng P55.3 milyong halaga ng shabu sa loob ng mga hollowed-out na Bible books sa Ninoy Aquino International Airport (NAIA) Terminal 3 noong Biyernes.
Ayon sa mga awtoridad, ang banyaga, na dumating mula sa Addis Ababa sa pamamagitan ng isang connecting flight, ay na-flag matapos makita ng isang X-ray Inspection Project operator ang mga hindi pangkaraniwang imahe sa routine baggage screening.
Isinasagawa ng mga Customs examiners ang masusing physical inspection kung saan natuklasan ang mga puting kristal na substance sa isang pekeng compartment sa loob ng bag nito, na itinago sa dalawang hollowed-out na Bible books na binalot ng maraming layer ng plastic at duct tape.
Ang mga nakumpiskang droga ay may bigat na 8,145 grams, na may tinatayang street value na kabuuang P55,386,000.
Positibo naming nakumpirma ng K9 sweep at field testing ang substance ay methamphetamine hydrochloride, o shabu.
Hawak na ng Philippine Drug Enforcement Agency ang naturang shabu para sa karagdagang imbestigasyon.
Mahaharap ang dayuhan sa mga kasong tulad ng Comprehensive Dangerous Drugs Act at Customs Modernization and Tariff Act.
Binigyang-diin ni Customs Commissioner Ariel Nepomuceno na ang insidenteng ito ay patunay ng patuloy na pagsusumikap ng Bureau of Customs sa mga ports of entry.
Sinabi naman ni NAIA District Collector Yasmin Obillos-Mapa ang kahalagahan ng teknolohiya sa pagpapatupad ng batas, at sinabi na ang interception na ito ay nagpapakita ng bisa ng X-ray Inspection Project at ng masusing pagsusuri ng ahensya.
