-- Advertisements --
Pormal ng ipinakilalal ni President-elect Joe Biden at Vice President-elect Kamala Harris si retired Army General Lloyd Austin bilang uupong secretary of defense.
Sakaling maaprubahan ng senado ay magiging kauna-unahang Black American ito na mamumuno ng Pentagon.
Sa talumpati ni Biden sa Wilmington, Delaware, sinabi niyang isang karangalan na piliin si Austin na mamuno bilang kaniyang national security team leader.
Dahil sa kaniyang kakaibang ugali at karanasan ay tiyak aniya na magiging maganda ang pamumuno nito.
Naging vice chief of staff ng Army at commanding general ng US forces sa Iraq si Austin bago naging commander ng Centcom.
