Ikinatuwa ng Department of Tourism (DOT) ang kahilingan ng Thailand Ministry of Tourism and Sports (MOTS) na punan ang kanilang kakulangan sa mga manggagawa.
Si Tourism Sec. Christina Garcia-Frasco ay nakipagpulong kay MOTS Thai Minister Phiphat Ratchakitprakarn sa sideline ng 11th Asia-Pacific Economic Cooperation (APEC) Tourism Ministerial Meeting (TMM) sa Bangkok at nakipagkasundo para palakasin ang bilateral tourism initiatives sa pagitan ng dalawang bansa.
Sinabi ni Frasco na sumang-ayon ang Thai minister na i-renew ang Implementing Program of Cooperation sa pagitan ng Pilipinas at Thailand sa pakikipagtulungan sa mga larangan ng travel facilitation, research and development, education and training, tourism initiatives, human development, employment, at pagpapalitan ng mga pinakamahusay na kasanayan sa pag-angkla sa turismo ng bansa sa kultura at pamana, bukod sa iba pa.
Sa pagpupulong, sinaliksik din ni Frasco ang posibilidad na makipagtulungan sa Thailand sa mga larangan ng Meetings, Incentives, Conventions, and Exhibitions (MICE) Tourism, education tourism partikular ang English bilang pangalawang wika, at food and gastronomy tourism.
Tumugon din ang DOT sa kahilingan ng Thailand Minister para sa tulong sa pagtugon sa kakulangan ng mga manggagawa sa Thailand sa industriya ng akomodasyon, na binanggit ang kalidad ng mga manggagawang Pilipino.
Inimbitahan din ni Frasco ang Thailand na lumahok sa Tourism job gairs na magkakatuwang na pangangasiwaan ng DOT at ng Department of Labor and Employment (DOLE).
