Nakapagtala ang Department of Health (DOH) ng 5,000 bagong kaso ng Human Immunodeficiency Virus (HIV) sa bansa mula Hulyo hanggang Setyembre.
Ito ang sinabi ni Health Secretary Teodoro Herbosa kung saan ang bansa aniya ay nahaharap sa HIV outbreak.
Giit ng kalihim, thirty percent ng mga bagong kaso ay mas mababa sa edad 18 kaya naman aniya nakaaalarma dahil habambuhay itong gamutan.
Noong Hunyo 2025, umabot na sa 148,831 ang kabuuang naitalang kaso ng HIV sa bansa.
Nagbabala si Herbosa na kung magpapatuloy ang pagtaas, maaari itong umabot sa hanggang 400,000.
Kaugnay ng World AIDS Day, muling nanawagan ang DOH sa mas maraming kabataang sumailalim sa HIV screening at hinimok ang pamahalaan na mas pagtuunan ng pansin ang tumataas na bilang ng mga kaso.
