Nagsimula na sa kaniyang bagong trabaho si dating Finance Secretary Benjamin Diokno, bilang full-time na miyembro ng Monetary Board (MBM).
Ito ay para sa anim na taong termino, matapos maglingkod bilang hepe ng Department of Finance.
Ipinagpatuloy ni Diokno ang kanyang serbisyo sa Monetary Board matapos itong pamunuan bilang gobernador ng BSP mula Marso 2019 hanggang Hunyo 2022 at kinatawan ang sektor ng gobyerno bilang ex-officio member noong siya ay Finance Secretary mula Hulyo 2022 hanggang Enero 2024.
Nakumpleto niya ang board na mayroong pitong mga miyembro.
Ang monetary board ay pinamumunuan ni BSP Governor Eli Remolona, Jr. bilang Chairman.
Ang iba pang miyembro ay sina Bruce Tolentino, Anita Linda Aquino, Romeo Bernardo, Rosalia De Leon, at isang miyembro ng gabinete na itinalaga ng Pangulo.
Si Diokno ang pumalit bilang BSP governor noong Marso 2019 sa pagpanaw ni BSP Governor Nestor A. Espenilla, Jr.
Noong 2022, kinilala ng London-based publication na The Banker si BSP Governor Diokno bilang “Global Central Banker of the Year” matapos niyang epektibong pangunahan ang financial system ng bansa sa pamamagitan ng pandemic.
Ang MBM Diokno ay mayroon ding PhD sa Economics mula sa Syracuse University sa New York at Master of Arts in Political Economy degree mula sa Johns Hopkins University sa Baltimore, Maryland.
