Dallas Mavericks, tinambakan ang Mephis Grizzlies, 137-96

Nanguna ngayon si Luka Doncic sa game-high 32 points para talunin ang Memphis Grizzlies sa score na 137-96.

Sa unang period pa lamang ay kumamada na si Doncic ng 21 points.

Naipasok din ng Dallas star ang walo sa 10 shots at tatlo sa kanyang apat na 3-point attempts.

Ito na ang ika-10 sa karera ni Doncic na nakapagtala ito ng 30 points sa 30 minutes na laro o mas mababa pang oras sa paglalaro.

Nakagawa naman si Christian Wood ng double-double na 25 points at 12 rebounds.

Pumuntos naman si Tim Hardaway Jr. ng 16 points habang 15 puntos kay Spencer Dinwiddie para sa Mavericks.