Hinimok ng China ang Pilipinas na huwag gumawa ng gulo kasunod ng pagtanggal ng mga floating barrier na inilagay ng Beijing sa karagatan ng Pilipinas.
Ayon kay Wang Wenbin ng Chinese foreign affairs ministry, nananawagan ang kanilang bansa sa Pilipinas na huwag lumikha ng probokasyon o gumawa ng gulo.
Sinabi ni Wang na ang pasiya ng China na pangalagaan ang soberanya at karapatang maritime nito sa Bajo de Masinloc, isang bahagi ng West Philippine Sea kung saan inilagay nito ang harang, ay hindi matitinag.
Noong Setyembre 22, natuklasan ng Philippine Coast Guard (PCG) at ng Bureau of Fisheries and Aquatic Resources (BFAR) ang floating barriers na humadlang sa mga mangingisdang Pilipino na makapasok sa kanilang mga lugar ng pangingisda.
Nabigyang-katwiran ng China ang kanilang hakbang sa pagsasabing ginawa nito ito upang harangan ang isang BFAR vessel sa pagpasok sa tubig at sa lagoon nito.
Inalis na ng PCG ang barriers noong Lunes, habang ang Department of Foreign Affairs (DFA) ay nangakong gagawin ang lahat ng kinakailangang hakbang upang maprotektahan ang teritoryo ng bansa.
