Inihayag ng Commission on Higher Education (CHEd) na bumuo ito ng bagong kurikulum ng nursing na kinabibilangan ng “exit credentials,” na nagpapahintulot sa mga mag-aaral ng nursing na magtrabaho kahit matapos lamang ang isang taon ng kanilang pag-aaral.
Sinabi ni Commission on Higher Education Chairman Prospero De Vera III na binuo ang curriculum matapos ang pakikipag-usap kay Pangulong Ferdinand Marcos Jr. at sa pribadong mga sektor.
Ang curriculum na ito, ani De Vera, ay medium intervention ng Commissioner on Higher Education para matugunan ang kakulangan ng mga nurse sa bansa.
Dagdag niya na inatasan na ni Pang. Marcos ang komisyon na magpatuloy sa panukala, binanggit na inirekomenda ng pribadong sektor ang panukala ng Commission on Higher Education, at idinagdag na ang ahensya ay kumikilos na rin ng mga regional network tungkol sa panukala.
Giit naman ng opisyal na kaagad nila itong tutugunan sa lalong madaling panahon.
Kung matatandaan, ito ay matapos ipag-utos ni Pang. Marcos noong Miyerkules sa Commission on Higher Education (CHED) na tugunan ang kakulangan ng mga nurse dahil sa migration o kanilang pangingibang bansa.
