Nilagdaan ng Commission on Higher Education (CHED) at Department of Information and Communications Technology (DICT) ang memorandum of understanding para simulan ang digitalization ng mga serbisyong ibinibigay ng CHED at higher education institutions (HEIs).
Sinabi ni CHED Chief Prospero De Vera na isasama muna dito ang pagpapalabas ng mga diploma at transcript of records ng mga estudyante ng mga unibersidad at kolehiyo.
Ang batas ay nag-aatas na ang mga first-time graduate, o first-time na naghahanap ng trabaho ay kailangang magbigay ng tatlong kopya ng mga diploma at isang transcript of records.
Aniya, ang problema lang ay ang mga unibersidad ang naglalabas nito, hindi ang CHED ngunit ang mga reklamo ay napupunta sa nasabing institusyon.
Makikipagpulong ang CHED sa HEI para pag-usapan ang proyekto at papirmahin ang bawat isa sa isang memorandum of understanding kasama ang DICT.
Sa pamamagitan ng e-governance system kasama ang DICT, sinabi ni De Vera na mapapabilis at ma-systematize din ng CHED ang paglalabas ng Certificate of Authentication and Verification (CAV), ang dokumentong karaniwang kailangan ng mga nagtapos na may mga aplikasyon para sa trabaho sa ibang bansa.
Una nang iniuulat ng CHED ang mas mataas na enrollment, ngunit hindi umano nagbabago ang mga rate ng graduation at drop out record.
