-- Advertisements --
Nakauwi na sa bansa sina Rayver Cruz, Julie Anne San Jose at Boobay matapos na hindi natuloy ang kanilang show sa Tel Aviv sa Israel dahil sa kaguluhan doon.
Ayon sa komedyanteng si Boobay na ito ang unang pagkakataon na nakarinig siya ng mga pagsabog.
Labis naman na nalungkot si Julie Anne sa nangyari sa Israel at ito ang unang pagkakataon na maranasan ang ganun na insidente.
Nakatakda sanang maganap ang show nila sa Smolarz Auditorium sa Tel Aviv University pero ito ay kinansela matapos ang atake ng Hamas militant group.
