Tumaas sa 15,000 ang average daily arrivals ng bansa.
Ito ay matapos pinaluwag ng gobyerno ang mga paghihigpit sa paglalakbay sa mga nakaraang buwan ayon sa Bureau of Immigration (BI).
Sinabi ni Immigration spokesperson Dana Sandoval na ang mga kamakailang bilang ay binubuo ng mga dayuhan at Pilipino.
Aniya, malayo pa rin ito sa usual arrivals natin sa pre-pandemic.
Noong 2019, ito ’yung panahon na pinakamataas na bilang ng dumadating sa bansa ang average natin is 45,000 arrivals per day.
Inaprubahan ng task force ng COVID-19 ng bansa ngayong linggo ang pag-angat ng mga pre-departure novel coronavirus test sa lahat ng papasok na manlalakbay na ganap na nabakunahan at nakakuha na ng kahit isang booster shot.
Tanging ang mga manlalakbay na hindi pa nabakunahan, bahagyang nabakunahan, at mga walang boosters ang kakailanganing magpakita ng negatibong resulta ng RT-PCR o laboratory-based antigen test, ayon sa Malacañang.
Dahil dito, nanatiling optimistic si Sandoval na tataas pa ang bilang ng mga papasok na manlalakbay sa ilalim ng binagong mga panuntunan sa paglalakbay.
Binuksan muli ng bansa ang mga borders nito noong Abril sa lahat ng ganap na nabakunahan ng mga dayuhang manlalakbay upang buhayin ang ekonomiyang naapektuhan ng pandemya.
