-- Advertisements --
Maswerteng buhay pa nang matagpuan ng mga rescuers ang isang batang babae mula sa gumuhong lupa sa Maco, Davao de Oro.
Nasagip ng mga otoridad ang biktima dalawang araw ang nakalipas matapos ang naturang trahedya.
Samantala, agad dinala ang bata sa mas ligtas na lugar at binigyan ng atensyong medikal.
Kung maaalala, una nang iniulat ng mga otoridad na pumalo na sa 11 ang bilang ng mga bangkay na narekober mula sa naturang landslide, habang lumobo pa sa 110 ang bilang ng mga indibidwal na napaulat na nawawala.
Hanggang sa ngayon ay patuloy pa rin ang ginagawang search and rescue operation ng mga otoridad.
