Agad na nakipagpagkita kay Pangulong Ferdinand Marcos, Jr. sa Malacañang ang bagong talaga na US Ambassador to the Philippines MaryKay Loss Carlson upang magpresenta ng kanyang credentials.
Kung maalala kagabi lamang dumating sa bansa si Carlson para sa kanyang panibagong tour of duty makaraang italaga ni US President Joe Biden.
Sa kanyang talumpati, binigyang diin ni Carlson na lalo siyang naging inspirado sa pagtungo sa Pilipinas upang palakasin pa ang partnership ng dalawang bansa.
Liban kay Pangulong Marcos, naging bahagi rin sa simpleng okasyon sa Palasyo sina U.S. Embassy Political Counselor Brett Blackshaw, DFA Undersecretary Antonio Morales, Aubrey Carlson, Chief of Presidential Protocol Undersecretary Adelio Angelito Cruz, at U.S. Embassy Deputy Chief of Mission Heather Variava.
Kung maalala mula noong nakaraang taon, pansamantala munang naging pointman ng Amerika sa kanilang embahada sa Pilipinas si Variava.
“I arrive in Manila inspired by the bond between our great nations and devoted to making it even stronger. I feel especially fortunate to arrive in the early days of your administration. The United States is committed to partnering with you and your team as you move ahead. As you act to ensure the security, prosperity, and freedoms of the Philippine people, we are here to help, and invested in your success,” bahagi pa ng statement ni Carlson. “We look forward to working together to develop new trade and investment ties, partner on clean energy solutions, protect marine and terrestrial resources, and help tackle the climate crisis. You have a reliable partner in the United States on all these issues.”
