Australia bibili ng mga Tomahawks cruise missiles sa US

Nakatakdang bumili ang Australia ng 220 na mga Tomahawk cruise missiles mula sa US.

Ito ay matapos na aprubahan ng US State Department ang kasunduan na nagkakahalaga ng nasa $900 milyon.

Ang nasabing kasunduan ay inanunsiyo ilang araw matapos na ianunsiyo Australia na bibili sila ng tatlong nuclear-powered attack submarines.

Sinabi ng mga opisyal ng Australian na ang nuclear-powered submarines ay may kakayahang magpakawala ng mga Tomahawk missiles.

Ayon naman kay Australian Defence Minister Richard Marles na mahalaga ang pagkakaroon nila ng longer-range missiles para matiyak ang kaligtasan ng kanilang bansa.