Nakadaupang palad ni Philippine Box Office King Richard Alden ang Hollywood action star na si Tom Cruise matapos dumalo sa red carpet premiere ng ”Mission: Impossible – The Final Reckoning” sa Seoul, South Korea.
”Ethan meets Ethan… I have no words!” ani Alden sa Instagram, kasabay ng pagbabahagi ng video ng kanilang pagkikita.
Si Alden ay gumanap bilang “Ethan” sa hit films nito na “Hello, Love, Goodbye” at “Hello, Love, Again,” habang si Tom ay kilala bilang Ethan Hunt sa Mission: Impossible series.
Kasama mismo si Alden sa mga nakapanood ng pelikula kung saan nga present mismo ang cast ng pelikula na pinangunahan ni Tom Cruise, Hayley Atwell, Simon Pegg, Pom Klementieff, Greg Tarzan Davis, at direktor na si Christopher McQuarrie.
Samantala, maalalang sa Tokyo premiere ilang araw bago nito, ibinahagi ni Tom Cruise ang kanyang nararamdaman.
‘This film is a culmination of the last 30 years of making this franchise. And I’m telling you, everything has led to this,’ ani Cruise.
